Poesia Tradizionale Salentina - Ricordi di Natale

Rrecuerdi de Natale

Cu tutte le spenture e li turmienti

Ci secutànu la famiglia mia

Ci ncora pe lla ita ieu nu ccapìa,

Quisti eranu pe mmie giurni cuntienti.

Cce zzumpi! cce mmuina! cce llecria!

Me divertiape nna cosa de nienti

E cci nu mmesuffrianu li parienti

Nc’era la mamma ci me cumpatia…

E mme rrecordu, comu enìa stu mese

Ca me ballannu nnanti a lu cerviedhu

Pigni, presepi, bombe… quante spese.

Me facia cu lla mente… e moi nu rresta

Cca llu recordu de tantu frantiedhu

Moi ci pe mmie la vita è una tempesta!